Egasi uchun batafsil

Restoraningiz qanday ishlayotganini bir joyda ko'rasiz

Servismenu mehmon va xizmat haqidagi ma'lumotni o'zi yig'adi: chaqiruvga javob vaqti, baho va izohlar, buyurtmalar, ish vaqti. Siz uni telefonda yoki kompyuterda ko'rasiz — quyida har bir bo'lim nimani ko'rsatishi yozilgan.

01Kutish vaqti

Mehmon qancha kutdi — soniyasigacha

Mehmon «Ofitsiant» ni bosgan soniyadan vaqt yoziladi. Ofitsiant ikki marta bosadi: xabarni ko'rib «Yo'ldaman», stolga yetib borib «Keldim». Shuning uchun ikki raqam ko'rinadi: qancha tez javob berildi va qancha vaqtda yetib borildi.

  1. 19:42:05Mehmon chaqirdiStol № 12
  2. +0:14«Yo'ldaman»javob tezligi
  3. +0:38«Keldim»stolga yetib bordi
  • Stol kimniki — aniq. Stolga qarayotgan ofitsiantga chaqiruv to'g'ri o'ziga boradi. Yangi mehmon chaqirsa — hamma ofitsiantga, birinchi javob bergan stolni oladi.
  • Mehmon kutib qolmaydi. 45 soniyada javob bo'lmasa, chaqiruv zaldagi hammaga boradi.
  • Band paytlar ko'rinadi. Javobsiz qolgan chaqiruvlar alohida sanaladi — qaysi paytda zalda odam yetmagani bilinadi.
02Kun soati

Qaysi soatda zal band

Kunlik o'rtacha raqam kechki band soatni ko'rsatmaydi: kun bo'yi hammasi tez, kechqurun esa mehmon ko'p bo'lsa ham o'rtacha «yaxshi» chiqaveradi. Shuning uchun kutish vaqti va tushum soat bo'yicha ham ko'rsatiladi.

Qaysi soatda mehmon ko'pnamuna
10 11 12 13 14 15 16 17 18 19 20 21 22
19:00–21:00 da mehmon eng ko'p. Shu soatlarga yana bitta ofitsiant qo'ysangiz, kutish qisqaradi.
  • Ma'lumot yetarli bo'lsagina xulosa chiqadi. Bitta-ikkita chaqiruvga qarab «bu soat sekin» deyilmaydi — aks holda bekorga odam qo'yasiz.
  • Hisobotni yuklab olasiz — 7 yoki 30 kunlik jadval Excel'da ochiladi (CSV).
03Mehmon fikri

Mehmon nima dedi

Mehmon ovqatdan keyin baho qo'yadi va xohlasa izoh qoldiradi — matn, ovoz, rasm yoki video bilan. Izoh sizga to'g'ridan-to'g'ri keladi: qaysi stol, qaysi kun, qaysi buyurtma.

★★★★★«Palov juda mazali, xizmat tez»Stol 4
★★★★☆ Ovozli izoh · 0:12Stol 9
★★★★★ Rasm bilan izohStol 2
  • Baho mehmondan keladi. Bitta buyurtmaga bitta telefondan bitta baho, stoldagi o'rindiqlardan ko'p emas.
  • Maqtov ham ko'rinadi. Qaysi taom va qaysi xizmat yoqqani — nimani saqlab qolish kerakligini ko'rsatadi.
04Jamoa

Har kimning ishi ko'rinadi

Bitta jadvalda har bir xodim: nechta chaqiruvga javob bergani va o'rtacha vaqti, qancha buyurtma olgani, mehmonlar bahosi. Yaxshi ishlaganni ko'rib rag'batlantirasiz, kimga yordam kerakligini oldindan bilasiz.

Jamoa · 7 kunnamuna
Jasur42 javob · o'rtacha 0:12 · baho 4.9yaxshi
Kamola35 javob · o'rtacha 0:16 · baho 4.8yaxshi
Sardor28 javob · o'rtacha 0:24 · baho 4.6me'yorida
  • Baho sababi bilan yoziladi. Raqam nega shunday ekani ochiq ko'rinadi — taxmin qilish shart emas.
  • Jadvalni egasi va menejer ko'radi — web panelda ham, ilovada ham.
05Davomat

Ish vaqti va davomat

Har xodimning ish vaqtini siz yozasiz — masalan 09:00–22:00. Xodim ishga kelib ilovani ochadi: tepada «Ishga keldingizmi?» chizig'i turadi, u «Keldim» ni bosadi. Kelgan vaqti bir marta yoziladi, oy oxirida necha kun ishlagani o'zi sanaladi.

  • Oy bo'yicha — necha kun ishladi, kech qolgan kunlar bo'lsa ular ham ko'rinadi.
  • Adolatli: 5 daqiqagacha farq kechikish sanalmaydi — soatiga qarab bir daqiqa kech bosgan odam «kech qoldi» bo'lib chiqmaydi.
  • Kunlik ish haqi shu kunlardan hisoblanadi — tortishuvga o'rin qolmaydi.
06Ish haqi

Ish haqi daftari

Oylik yoki kunlik — har xodimning sharti yoziladi, xohlasangiz tushumdan foiz ham. Tizim kimga qancha hisoblanganini, qancha berilganini va qancha qolganini ko'rsatadi.

Jasur · sentabrkunlik: 150 000 × 15 kun
Hisoblandi2 250 000
Berildi (avans)800 000
Qolgan1 450 000
Berdim · 1 450 000
  • Avans, oylik, bonus — har to'lov yozib boriladi, qolgan summa bitta bosishda yopiladi.
  • Faqat egasi ko'radi. Hamkasblarning ish haqi menejerga ham ko'rinmaydi.
  • Bu kassa emas. Tizim hisoblab beradi, pulni siz berasiz va berganingizni shu yerga yozib qo'yasiz.
07Xulosalar

Tizim o'zi xulosa chiqaradi — va nimadan boshlashni aytadi

Raqamlarni o'zingiz qidirib o'tirmaysiz. Tizim ularni o'qiydi, muhimini tepaga chiqaradi va har xulosaga bitta aniq qadam qo'shadi — yaxshi xabarga ham.

Bu hafta mehmon bahosi ko'tarildi — 4.8 → Nima ish berganini yozib qo'ying: keyingi safar aynan shuni qaytarasiz.
Kechqurun 19:00–21:00 da kutish uzayadi → Shu soatlarga yana bitta ofitsiant qo'yib ko'ring.
  • Telegramga ham keladi. Muhim xulosa shaxsiy Telegramingizga yuboriladi, dushanba kuni — qisqa haftalik xulosa.
  • Ortiqcha xabar yo'q. Bir xil gap sutkada bir marta, tunda esa umuman yozilmaydi.
08Filiallar

Bir nechta filial — bitta login

Har filialning o'z menyusi, xodimlari va stollari bo'ladi. Siz bitta login bilan hammasiga kirasiz va ularni yonma-yon solishtirasiz.

Filiallar · 30 kunnamuna
Chilonzorkutish 0:16 · baho 4.7 · QR orqali 46%12,4 mln
Yunusobodkutish 0:21 · baho 4.6 · QR orqali 38%9,8 mln
  • Bitta filialli restoranda ekran umuman o'zgarmaydi — keraksiz narsa turmaydi.
09Telefon va soat

Ofitsiant telefonda yoki qo'l soatida ishlaydi

Xodim ilovasi iPhone va Android uchun bor. Zalda telefon ishlatilmaydigan joylar uchun qo'l soati ilovasi ham bor: soat Wi‑Fi ga o'zi ulanadi, telefon kerak emas. Kimga nima berishni o'zingiz hal qilasiz.

  • Chaqiruv bilakda jiringlaydi va tebranadi — javob bitta bosish.
  • Soatda kundalik ish bor: chaqiruvga javob, stolni olish, tayyor taomni olib borish, yangi buyurtmani tasdiqlash.
  • Internet uzilsa ham ilova oxirgi holatni ko'rsatadi, bosilgan tugmalar aloqa tiklanganda o'zi yuboriladi.

Sinalgan soat — Samsung Galaxy Watch4 (Wear OS).

Chegara

Nima qilmaymiz

Buni oldindan aytamiz — keyin ko'ngil qolmasin.

Kassa emas

Restoranda kassa va karta to'lovi allaqachon bor. Bor tizimingizni almashtirishga majburlamaymiz.

Ombor va oshxona hisobi emas

Mahsulot qoldig'i va texnologik kartalarga aralashmaymiz.

Smena jadvali emas

Kim qaysi kuni ishlashini biz tuzmaymiz. Siz «oyiga necha kun» deb bitta son yozasiz, qolganini tizim sanaydi.

Raqam o'ylab topilmaydi

Ma'lumot yetarli bo'lmasa, tizim xulosa chiqarmaydi va shuni ochiq aytadi.

Birinchi oy bepul

Bir oy bepul ishlatib ko'ring

Ariza Telegram botda — bir daqiqa. Hisoblar ochilgach menyu kiritiladi va QR tayyor bo'ladi.